Ceunant Hafod Fraith

Gwaelod Ceunant Hafod Fraith

Ar Gopa Moel Llechwedd Hafod mae llyn o'r enw Llyn Tomla, sydd yn agos i dop Ceunant Hafod Fraith. Llyn yn ganol y diffeithwch, does neb yn mynd yn agos i'r llyn yn aml.

Llyn Tomla

Llethrau

Wrth gerdded i lawr rhwng y llethrau, cofiwn ar un adeg fod corlan defaid ar ochr y ffos, er mwyn i'r defaid gynefino dros nos. Hen le digon peryg yw hwn.

Wrth gerdded i lawr y mynydd, mae'n bosib cael cip olwg ar Gwm Penmachno. Gwelwch Chwarel Rhiw Fachno, a hefyd Blaen y Cwm, Rhos Goch a Swch. Wrth gerdded ymlaen, mae'r llawr o dan ein traed yn mynd yn fwy creigiog, ac mae graddiant y mynydd yn mynd yn fwy serth. Mae'r ceunant yn llifo i lawr yn ffyrnig iawn yma.

Yr Olygfa o'r Llethrau

Uno

Yn y fan yma yn Dyfnant, mae Ceunant Hafod Fraith yn uno gydag Afon Machno. Ar lan yr afon roedd cwt y cigydd. Hefyd ar y cae bu Cwm yn cynnal carnifal bod hyn a hyn.

Bron ar lan yr Afon Machno y lleolir Capel Shiloh. Yn 1987, caewyd drysau'r capel am y tro olaf, a diwedd ar Gapel Wesla yn y Cwm - ond yn y flwyddyn 2001, agorwyd y drysau eto fel canolfan gymdeithasol i bobl y Cwm.

Capel Shiloh

Sasiwn Pregethu

Dyma ddarlun o'r merched a oedd yn gwneud bwyd ar wŷl sasiwn yng Nghwm Penmachno.

Gwelwch lun o'r Organ a oedd tu mewn i Gapel Shiloh pan oedd y Capel yn ei ogoniant.

David Cecil Jones oedd wrth yr organ am gyfnod hir. Hefyd bu Iorweth Jones, Ifan Lloyd ac Emlyn Davies yn chwarae'r organ yn y Capel ar wahanol adegau. Pan oeddwn yn blentyn ifanc yn y Capel, yn fy nhro roeddwn yn mynd tu ôl i'r Organ i chwythu megin yr Organ. Roedd hyn yn y cyfnod cyn i drydan ddod i Cwm.

Organ Capel Shiloh

Y Ganolfan Gymdeithasol

Tu allan i'r ganolfan gymdeithasol ar ddiwrnod agor y ganolfan.

Hwn oedd Capel Shiloh gynt.

Llun o un ystafell tu mewn i'r ganolfan. Mae llawer o gyfrifiaduron tu mewn i'r ganolfan, ystafell chwaraeon ac ystafell fwyta.

Tu Mewn i'r Ganolfan